ចិន៖ កាលពីពេលថ្មីៗនេះ ចិនបានដាក់បង្ហាញ មនុស្សយន្តថ្មីមួយ ដោយស្លៀកពាក់ ក្នុងឈុតប្រពៃណីចិន ដែលមើលទៅ ពិតជាស្រស់ស្អាត ដូចស្រីគ្រប់ល័ក្ខអីចឹង និងបានទាក់ទាញ ចំណាប់អារម្មណ៍មនុស្សជាច្រើន ផងដែរ នៅឯកម្មវិធី 2016 Summer Davos Forum ដែលធ្វើឡើង នៅក្នុងទីក្រុង Tianjin ប្រទេសចិន។

យោងតាមប្រភពព័ត៌មាន បានឲ្យដឹងថា មនុស្សយន្ត ដែលមានសម្រស់ស្រស់ស្អាត ដូចស្រីគ្រប់ល័ក្ខនោះ មានឈ្មោះថា Jia Jia ដោយវាមានរូបរាង និងទំហំ ប៉ុនមនុស្សពិតប្រាកដដែរ។ មិនតែប៉ុណ្ណោះ Jia Jia មានផ្ទៃមុខ និងដៃ ដ៏វិសេសវិសាល ហាក់បីដូចជា មនុស្សពិតៗអីចឹង។ ដោយសារតែ លក្ខណៈពិសេសដូចមនុស្ស និងមានរូបសម្រស់ ស្រស់ស្អាតបែបនេះ Jia Jia ត្រូវបានគេដាក់រហ័ស្សនាមឲ្យថា «Robot Goddess» ទៀតផង។
Jia Jia មានសមត្ថភាព អាចប្រើប្រាស់ភាសាកាយវិការ ប្រព័ន្ធ GPS និង សេវាកម្ម Cloud ផងដែរ។ នាងក៏អាចយល់ខ្លះៗ ពីអ្វីដែលមនុស្សនិយាយទៀតផង។ អ្វីដែលពិសេសនោះ នាងអាចឆ្លើយតប ជាមួយនឹងភ្ញៀវ នៅពេលដែលពួកគេ ប្រាប់នាងថា «នាងស្រស់ស្អាត» «នាងគួរឲ្យស្រលាញ់» ឬ «នាងដូចស្រីក្រមុំវ័យ១៨ឆ្នាំ» ជាដើម។
គួរបញ្ជាក់ផងដែរថា Jia Jia គឺជាគ្រឹះសំខាន់មួយ ក្នុងការអភិវឌ្ឍ នៃបច្ចេកវិទ្យា AI (Artificial Intelligence) នៅក្នុងប្រទេសចិន ដែលរួមមានទាំង មនុស្សយន្តអ្នកបំរើ ព្រះសង្ឃ និង ជំនួយការទិញទំនិញ។
យ៉ាងណាមិញ អ្នកនិយមប្រើប្រាស់បណ្តាញសង្គម ក្នុងប្រទេសចិន បានចាប់អារម្មណ៍យ៉ាងខ្លាំង ចំពោះមនុស្សយន្តស្រី ដែលមានរូបសម្រស់ស្រស់ស្អាត ដូចមនុស្សពិតៗនេះ ហើយនិយាយថា នាងពិតជាធ្វើឲ្យទាក់ចិត្ត មែនទែន៕

ប្រភព ៖ Shanghaiist អានបន្ត »

ភ្នំពេញ៖ តារាសម្តែងស្រី កញ្ញា គង់​ ចាន់ស្រីមុំ  បានធ្វើឲ្យ អ្នកគាំទ្រភ្ញាក់ផ្អើល ដោយនាង បានតែងខ្លួន បែបតុក្កតា Barbie ។

កាលពីថ្មីៗនេះ តារាស្រីសាច់សខ្ចី គឺ កញ្ញា គង់​ ចាន់ស្រីមុំ បានបង្ហោះរូបថត ជាច្រើនសន្លឹក ទៅលើបណ្តាញសង្គម អ៊ិនស្តាក្រាម ដែលវាជារូបថត ដែលនាងបានថតសម្តែង នូវវីដេអូចម្រៀងថ្មី ឲ្យផលិតកម្ម ​ហង្សមាស។ ជាមួយគ្នានេះដែរ អ្វីដែលកាន់តែប្លែក សម្រាប់ ស្រីមុំ នោះ គឺនាងបានផាត់មុខ​ និងស្លៀក សម្លៀកបំពាក់ ដូចជាកូនតុក្កតា មើលទៅ ពិត​ស្រស់ស្អាត ខ្លាំងណាស់។

មិនតែប៉ុណ្ណោះ ក៏មានអ្នកគាំទ្រ ជាច្រើននាក់ បានសរសើរ ថារូបនាង ពិតជាគួរឲ្យស្រឡាញ់ ទ្វេរមួយកម្រិតទៀត នៅពេលនាង តែងខ្លួនដូចជាតុក្កតា បែបនេះ៕

from website khmerload.com

អានបន្ត »

ភ្នំពេញ៖ នាពេលបច្ចុប្បន្ននេះ គេឃើញមានវត្តមានសិល្បករ-សិល្បការិនី រីកដុះដាលពាសពេញ វិថីសិល្បៈ ដោយនៅក្នុងនោះដែរ គេឃើញមានវត្តមាន អ្នកសិល្បៈ ល្បីឈ្មោះជាច្រើន បានពាំនាំអូសទាញ សែស្រឡាយរបស់ខ្លួន ឲ្យចូលប្រឡូកសិល្បៈជាមួយគ្នា ហើយបងប្អូនសាច់ញាតិ របស់អ្នកសិល្បៈទាំងអស់នោះ សុទ្ធសឹងតែជាតារាដែល មានឈ្មោះល្បី មិនចាញ់បងប្អូនរបស់ខ្លួនឡើយ ។

ខាងក្រោមនេះជាឈ្មោះ របស់តារាប្រុសស្រីល្បីៗ ចំនួន២៦ដួង ដែលមានសាច់ញាតិ ចូលប្រឡូកក្នុងសិល្បៈជាមួយគ្នា៖

១. តារាសម្តែង មាន សូនីតា ត្រូវជាបងប្អូនជីដូនមួយ របស់តារាសម្តែង ចន ច័ន្ទលក្ខិណា ។

២.តារាចម្រៀង ខេមរៈ សិរីមន្ត និង ខេមរៈ ស្រីពៅ ត្រូវជាប្អូនបង្កើតរបស់កវីនិពន្ធ ប្រចាំផលិតកម្មសាន់ដេលោក ខេមរៈ ភារុណ ។

៣. អ្នកនាងស្រីមុំ ភរិយាតារាចម្រៀងល្បីឈ្មោះ ប្រចាំផលិតកម្ម ហង្សមាសលោក ព្រាប សុវត្ថិ ត្រូវជាបងជីដូនមួយ របស់តារាចម្រៀង ឆាយ វីរៈយុទ្ធ និង ឆាយ សុវណ្ណារី ។

៤. ពិធីការិនីចាស់វស្សា និងជាខ្លាញី ប្រចាំស្ថានីយទូរទស្សន៍អាស៊ីអាគ្នេយ៍ ឌួង ហ្សូរីដា ត្រូវជាបងស្រីបង្កើតរបស់ពិធីការិនី ឌួង ហ្សូរីម៉ា ។

៥. ពិធីការិនីក្នុងកម្មវិធី “តុបំភ្លឺ” នាង ពេជ្រ សេរីរ័ត្ន ត្រូវជាបងស្រីបង្កើត របស់ពិធីការិនីក្នុងកម្មវិធី “រាត្រីកម្សាន្ត” កញ្ញា ពេជ្រ សូលីដា ហៅ ជីជី ។

៦. តារាចម្រៀងពហុជំនាញអ្នកនាង ខាត់ សុឃីម ត្រូវជាបងស្រីបង្កើត របស់តារាកំប្លែង ខាត់ ចំរើន ហើយសមាជិកគ្រួសារនាង សុទ្ធសឹងតែជាអ្នកសិល្បៈ ។

៧. តារាកំប្លែងលោកតា សង់ស៊ីស ត្រូវជាឪពុកបង្កើតរបស់ តារាចម្រៀង ស៊ុន ស្រីពេជ្រ និងតារាកំប្លែង កាឆយ ។

៨. តារាចម្រៀងថ្មី ឆេកូ ត្រូវជាប្អូនប្រុសបង្កើតរបស់ពិធីការិនី និងជាតារាចម្រៀងពន្លកថ្មី ក្នុងផលិតកម្ម M តេង លក្ខិណា ។

៩. តារាចម្រៀង កែវ ច័ន្ទសម្ផស្ស ត្រូវជាបងប្អូនជីដូនមួយ របស់តារាចម្រៀង យ៉ុង ច័ន្ទកណ្ណិកា និង យ៉ុង ច័ន្ទសុធារី ។

១០. កវីនិពន្ធ និងជាអ្នកគ្រប់គ្រងផលិតកម្ម ថោន លោក មាស សុខរតនៈ ត្រូវជាបងប្រុសបង្កើត របស់តារាចម្រៀងឈរលំដាប់កំពូល ប្រចាំផលិតកម្ម ថោន អ្នកនាង មាស សុខសោភា ។

១១. ពិធីករ និងតារាសម្តែង សុខ សេរីវឌ្ឍនា ត្រូវជាបងប្រុសបង្កើតរបស់តារាចម្រៀង Step ក្នុងក្រុម Legacy ។

១២. តារាចម្រៀង ណុប ប៉ាយ៉ារិទ្ធ និង នីកូ ត្រូវជាបងប្អូនជីដូនមួយ របស់តារាចម្រៀង តាក់ម៉ា ។

១៣. តារាសម្តែង ពៅ លីដា គឺជាបងជីដូនមួយ របស់តារាចម្រៀងថ្មី ពៅ ពិសិដ្ឋ ក្នុងក្រុម F2B ។

១៤. តារាសម្តែង និងពិធីការិនី ថន លក្ខិណា ត្រូវជាប្អូនស្រីបង្កើត របស់ពិធីការិនី TV11 ថន តារា ។

១៥. តារាសម្តែង និងបង្ហាញម៉ូដ ទឹម រដ្ឋា ត្រូវជាបងស្រីបង្កើត របស់តារាបង្ហាញម៉ូដ ទឹម វត្តី ។

១៦. តារាចម្រៀង ផលិតកម្មក្លាស៊ីក ដូដូ ត្រូវជាបងប្អូនជីដូនមួយ របស់តារាបង្ហាញម៉ូដ ប្រាសាទ ដាវីន និងត្រូវជាកូន របស់តារាកំប្លែង ស៊ុន ណារីម៉ូនីកា ។

១៧. អតីតតារាសម្តែង កែវ ពេជ្ររតនា ត្រូវជាប្អូនស្រីបង្កើត របស់តារាសម្តែង និងពិធីការិនី កែវ ពេជ្រពិសី ។

១៨. តារាចម្រៀង អាន គុណកូឡា ត្រូវជាបងប្អូនជីដូនមួយ របស់តារាសម្តែង និងពិធីការិនី នៅ សូនីតា ។

១៩. តារាសម្តែង កែវ ស្រីនាង ត្រូវជាប្អូនស្រីបង្កើត របស់អតីតតារាសម្តែង កែវ ពិសី និង កែវ វលក្ខណ៍ ។

២០. កវីនិពន្ធ និងជាអ្នកគ្រប់គ្រង ផលិតកម្មភ្លេងរីខតលោក សុខ ជំនោរ ត្រូវជាបងប្រុសបង្កើត របស់តារាចម្រៀង វ៉ាន់ នីឡា ។

២១. អ្នកដឹកនាំរឿងឆ្នើម ពាន់ ភួងបុប្ផា ត្រូវជាជីដូនបង្កើតរបស់តារាចម្រៀង ម៉ានិត ។

២២. តារាចម្រៀង ជា ដាវិត ត្រូវជាបងប្រុសបង្កើតរបស់ពិធីករ និងតារាសម្តែង ជា វណ្ណារិទ្ធិ ។

២៣. អតីតតារាចម្រៀង អែន ជីឡា ត្រូវជាប្អូនស្រីបង្កើត របស់តារាចម្រៀង និងតន្រ្តីករ ណាំ ប៊ុណ្ណារ័ត្ន ។

២៤. តារាចម្រៀងវ័យចំណាស់ អ៊ូ វ៉ាវ ត្រូវជាឪពុកបង្កើត របស់តារាចម្រៀង អ៊ីវ៉ា ។

២៥. តារាចម្រៀង K-ice ត្រូវជាប្អូនប្រុសបង្កើត របស់តារាចម្រៀង Zono ។

២៦. តារាចម្រៀង ទេព បូព្រឹក្ស ត្រូវជាក្មួយស្រីរបស់តារាបង្ហាញម៉ូដ ម៉ានីតា ៕

អានបន្ត »

ភ្នំពេញ៖ កញ្ញា ខេមរៈ ស្រីពៅ ដែលទស្សនិកជនបានស្គាល់យ៉ាងច្បាស់ថា នាងជាប្អូនស្រីបណ្តូលចិត្តរបស់តារាចម្រៀង ប្រចាំផលិតកម្មសាន់ដេលោក ខេមរៈ សិរីមន្ត នោះថ្មីៗនេះ បានលេចចេញនូវឃ្លីបវីដេអូមួយសបញ្ជាក់ឲ្យឃើញថា តារារូបនេះ ត្រូវបានបុរសម្នាក់ មានចេតនាកេងចំណេញប៉ះពាល់សាច់ លូកលាន់រាងកាយ ខណៈដែលនាងចេញទៅច្រៀងរាំ នៅក្រៅប្រទេស កាលពីពេលកន្លងមក ។

ឃ្លីបវីដេអូមួយដែលមានរយៈពេលជិត១នាទី ត្រូវបានគេយកមកបង្ហោះនៅលើ Youtube បានបញ្ជាក់ឲ្យឃើញថា តារាចម្រៀងស្រីរាង ខ្ពស់ស្រឡះកញ្ញា ខេមរៈ ស្រីពៅ ត្រូវបានបុរសអាណិកជនម្នាក់ឡើង មកលូកលាន់ប៉ះពាល់ខ្លួន នៅពេលដែលនាងកំពុងច្រៀងរាំ នៅលើឆាក ហើយនៅពេលនោះ គេឃើញតារារូបនេះ ព្យាយាមគេចពីបុរសម្នាក់នោះ ។

ចង់ដឹងថា នៅក្នុងវីដេអូបុរសម្នាក់នោះ បានបង្ហាញកាយវិការលូកលាន់ តារាស្រីរូបនេះយ៉ាងណា សូមទស្សនាជាមួយ គេហទំព័រកម្សាន្ត LookingTODAY ទាំងអស់គ្នាមានដូចខាងក្រោម៖

អានបន្ត »

ក្រុងញូវយ៉ក៖ ក្រុមអ្នកស្រាវជ្រាវ ជនជាតិអាម៉េរិក បាននិយាយថា សីតុណ្ហភពរបស់ផែនដី បានកើនឡើងខ្ពស់បំផុត កាលពី ១៤០០ ឆ្នាំមុន ។

ក្រុមអ្នកវិទ្យាសាស្រ្តមកពីវិទ្យាស្ថាន ផែនដី នៃមហាវិទ្យាល័យ Columbia បាននិយាយថា ការសិក្សាស្រាវជ្រាវថ្មីអំពី សីតុណ្ហភាព គ្រប់តំបន់របស់ទ្វីបទាំង៧ បានបង្ហាញថា សីតុណ្ហភាពបានកើនឡើង បន្តិចម្តងៗ ចាប់តាំងពីមានជីវិតមនុស្ស រស់នៅលើភពផែនដីនេះ ។ ដោយសីតុណ្ហភាពនេះបាន កើនឡើងដល់ចំនុចខ្ពស់បំផុត នៃប្រវត្តិសាស្រ្តកាលពី ជាង ១០០០ ឆ្នាំមុន ។

ក្រុមអ្នកវិទ្យាសាស្រ្តបានឲ្យដឹងទៀតថា ការធ្វើការសិក្សាអំពី ប្រវតិ្តសីតុណ្ហភាពនៃទី្វបទាំង៧ របស់ភពផែនដីត្រូវបានពឹង ផ្អែកទៅលើការពិនិត្យ យ៉ាងដិតដល់ អំពីទិន្នន័យអាកាសធាតុ ដែលមានរួមទាំងការពិនិត្យ អំពីកាតិបទឹកកក បឹង មហាសមុទ្រ ព្រមទាំងរូបធាតុមួយចំនួនទៀត របស់ភពផែនដី ។

ក្រុមអ្នកស្រាវជ្រាវបាននិយាយថា ជាក់ស្តែងនៅក្នុងឆ្នាំ២០០៣ នៅលើទ្វីបអឺរ៉ុបមានរលកកំដៅ យ៉ាងធ្ងន់ធ្ងរ ព្រមទាំង មានគ្រោះរាំងស្ងួតថែមទៀតផង ដែលបានសម្លាប់មនុស្ស អស់ជាង ៧០ ០០០ នាក់ ៕

អានបន្ត »

ឡូរ៉ា ម៉ម តារា​ចម្រៀង​ខ្មែរ​-អាមេរិកាំង បាន​និយាយ​ទាំង​សើច​សប្បាយ​ៗ​ពី​រឿង​ស្នេហា ប្រាប់ Sabay ថា​បេះដូង នាង​មិន​ទាន់​មាន​ការ​ជំពាក់​ជំពិន​ជាមួយ​នរណា​ឡើយ ព្រោះ​បំណង​ទី​១​ដែល​នាង មក​រស់​ផ្ញើ​ខ្លួន​នៅ​ស្រុក​ខ្មែរ គឺ​ដើម្បី​សិល្បៈ។

“ហាហា អត់​ទាន់​មាន​ទេ ពី​ព្រោះ ខ្ញុំ​មក​ស្រុក​ខ្មែរ​នេះ មាន​ការងារ​សំខាន់​ជាង​ហ្នឹង ចំពោះ​ស្នេហា​ចាំ​បន្តិច​សិន ខ្ញុំ​ចង់​គិត​ពី​រឿង​ស្រុក​ខ្មែរ​សិន ចាំ​បន្តិច​ទៀត​ប្រហែល​ជា​មាន​ហើយ​(សើច)” ឡូរ៉ា ម៉ម ឆ្លើយ​ប្រាប់ Sabay ចំពោះ​សំណួរ​ថា មាន​មិត្ត​ប្រុស​ហើយ​ឬ​នៅ។



មក​ទល់​នឹង​ពេល​នេះ ឡូរ៉ា ម៉ម មាន​វ័យ ២៨​ឆ្នាំ​ហើយ ហើយ​ជាមួយ​នឹង​ការ​ឆ្លើយ​ថា ចាំ​បន្តិច​ចំពោះ​ស្នេហា នាង​ក៏​មិន​ទាន់​ច្បាស់​ដែរ​ថា មិត្ត​ប្រុស ឬ​គូ​ជីវិត​របស់​នាង​គួរ​តែ​ជា​បុរស​ខ្មែរ​សុទ្ធ ខ្មែរ​អាណិកជន ឬ​ក៏​ជនជាតិ​បរទេស។ ឡូរ៉ា ឆ្លើយ​យ៉ាង​ខ្លី​ថា “ចាំ​មើល​សិន ខ្ញុំ​អត់​ទាន់​ដឹង អត់​ទាន់​ច្បាស់​ទេ បើ​ខ្មែរ​គេ​ល្អ គឺ​បាន តែ​ចាំ​មើល​សិន(សើច)”។

តារា​ចម្រៀង​ស្រី​កូន​កាត់ ដែល​ទទួល​បាន​ការ​គាំទ្រ​ខ្លាំង​នា​មួយ​រយៈ​ចុង​ក្រោយ​រូប​នេះ ប្រាប់​ថា អ្វី​ដែល​នាង​ត្រូវ​ធ្វើ​ដំបូង​គេ គឺ​ការងារ​សិល្បៈ ជា​អ្វី​ដែល​នាង​បាន និង​កំពុង​ធ្វើ​នា​ពេល​បច្ចុប្បន្ន ក្នុង​នោះ​សំខាន់​បំផុត គឺ​នាង​ចង់​បំផុស​ឲ្យ​យុវវ័យ​ស្រឡាញ់ អ្វី​ដែល​ជា​សិល្បៈ​វប្បធម៌​របស់​ខ្មែរ​យើង។ យ៉ាង​ណា​ក៏​ដោយ ឡូរ៉ា កត់​សម្គាល់​ឃើញ​ថា វិស័យ​សិល្បៈ​របស់​ខ្មែរ​យើង​កំពុង​រីក​លូតលាស់​ហើយ។

ក្នុង​បេសកកម្ម​បម្រើ​ឲ្យ​វិស័យ​សិល្បៈ​ខ្មែរ​នេះ ឡូរ៉ា ប្រាប់​ថា នាង​ត្រៀម​នឹង​បញ្ចេញ​បទ​ថ្មី​ចង្វាក់​ម៉ាឌីហ្សុន ក្នុង​អំឡុង​ខែ​មីនា​នេះ រួម​ទាំង​បទ​មួយ​ចំនួន​ទៀត ត្រៀម​សម្រាប់​បុណ្យ​ចូល​ឆ្នាំ​ខ្មែរ​ប្រពៃណីជាតិ​ខាង​មុខ​ផង​ដែរ៕



អានបន្ត »

តារា​សម្ដែង និង​ម៉ូដែល​ខ្មែរ​មួយ​រូប​គឺ​លោក ឈុន វរៈ​កុសល្យ បាន​ជាប់​ក្នុង​បញ្ជី​បោះឆ្នោត​ដណ្ដើម​ពាន​រង្វាន់​អន្តរជាតិ​ពី​កម្មវិធី​ Mister Global 2015 ជាមួយ​បេក្ខជន​មក​ពី​ប្រទេស​ផ្សេង​ៗ​សរុប ២១ប្រទេស។

កម្មវិធី Mister Global 2015 បាន​ប្រកាស​ឈ្មោះ​បេក្ខជន​ចំនួន ២១​រូប មក​ពី​២១​ប្រទេស សម្រាប់​ការ​បោះឆ្នោត​​ដណ្ដើម​ពាន​រង្វាន់ Mister Global 2015 People’s Choiceចាប់​ពី​ថ្ងៃ​នេះ ដល់​ថ្ងៃ​ទី​៦ ខែ​មីនា។ ក្រៅ​ពី​ការ​បោះឆ្នោត​លើ​គេហទំព័រ​ផ្លូវការ​របស់ Mister Global អ្នក​គាំទ្រ​ក៏​អាច​បោះឆ្នោត​តាម​រយៈ​បណ្ដាញ Facebook ផង​ដែរ។

ប្រិយមិត្ត​អាច​បោះឆ្នោត​ឲ្យ​បេក្ខជន​កម្ពុជា​យើង​តាម ២វិធី​ខាង​ក្រោម​នេះ​៖

១. ចុច​ត្រង់​នេះ​ ដើម្បី ​បោះ​ឆ្នោត​ផ្ទាល់​លើ​គេហទំព័រ Missosology (ពី​ថ្ងៃ​នេះ​ដល់​ថ្ងៃ​ទី​៦ ខែ​មីនា វេលា​ម៉ោង ៥ល្ងាច) បេក្ខជន​មក​ពី​ប្រទេស​កម្ពុជា​ស្ថិត​នៅ​លេខ​រៀង​ទី​៣ ដែល​មាន​ឈ្មោះ​ជា​ភាសា​អង់គ្លេស​ថា TOuch Kosal។

២. បោះ​ឆ្នោត​តាម​រយៈ​បណ្ដាញ Facebook ដើម្បី​ឲ្យ​បេក្ខជន​អាច​ឈាន​ចូល​វគ្គ​ពាក់​កណ្ដាល​ផ្ដាច់​ព្រ័ត្រ​ដោយ​ ស្វ័យប្រវត្តិ (ពី​ថ្ងៃ​នេះ​ដល់​ថ្ងៃ​ទី​៧ ខែ​មីនា វេលា​ម៉ោង ៥ល្ងាច) ដោយ៖

• ចុច​ “Like” Facebook Page របស់ The Official Mister Global
• ចុច​ “Like” លើ​រូប​ថត​បេក្ខជន​ដែល​អ្នក​គាំទ្រ​ក្នុង​អាល់ប៊ុម​ OFFICIAL VOTING
• ចុច “Share” រូប​ថត​បេក្ខជន​ដែល​អ្នក​គាំទ្រ​ក្នុង​អាល់ប៊ុម OFFICIAL VOTING

 

រូប​ថត​​ ឈុន វរៈ​កុសល្យសម្រាប់​ការ​បោះឆ្នោត​លើ Facebook

កម្មវិធី “MISTER GLOBAL” វគ្គ​ផ្ដាច់​ព្រ័ត្រ​នឹង​ត្រូវ​រៀប​ចំ​ឡើង​នៅ​ទីក្រុង​បាងកក ប្រទេស​ថៃ នៅ​ថ្ងៃ​ទី២៤ ខែ​មីនា ឆ្នាំ​២០១៥។
កម្មវិធី​នេះ​ត្រូវ​បាន​បង្កើត​ឡើង​កាល​ពី​ឆ្នាំ​២០១៤ ដែល​ម្ចាស់​ជយលាភី​កាល​ពី​ឆ្នាំ​មុន​បាន​លើ​បេក្ខជន​មក​ពី​ប្រទេស​ភូមា​ ឈ្មោះ​ Marco Victor ៕

អានបន្ត »